Rannsóknarnefnd samgönguslysa - Flugslysasvið

Flugslysasvið Rannsóknarnefndar samgönguslysa er staðsett í húsnæði Flugbjörgunarsveitar að Flugvallarvegi í Reykjavík. Skrifstofan er opin virka daga frá kl. 09:00 - 16:00 og er skrifstofusími 511-1666. Ef tilkynna skal um flugslys eða alvarleg flugatvik er bakvaktarsími sem svarar allan sólahringinn alla daga ársins,símanúmer bakvaktarsíma er 660-0336.

HusnaediRNFFlugslysasvið Rannsóknarnefndar samgönguslysa (RNSA) starfar í samræmi við "lög um rannsókn samgönguslysa" nr. 18/2013. Flugslysaflokkur annast rannsókn flugslysa, flugatvika og flugumferðaratvika samkvæmt ofangreindum lögum og alþjóðasamningum sem Ísland er aðili að.

Rannsóknarnefnd flugslysa var stofnuð árið 1996 og sameinaðist Rannsóknarnefnd umferðarslysa og rannsóknarnefnd Sjóslysa þann 1. júní 2013 og fengu nefndirnar þrjár þá heitið Rannsóknarnefnd samgönguslysa. Fyrir árið 1996 voru rannsóknir á flugslysum og atvikum á hendi Flugslysanefndar og Rannsóknardeild Flugmálastjórnar Íslands.

RNSA er stofnun sem heyrir stjórnsýslulega undir Innanríkisráðherra. Hún starfar sjálfstætt og óháð stjórnvöldum og öðrum rannsóknaraðilum, ákæruvaldi og dómstólum. Hjá RNSA starfa 7 manns, þ.e. 6 rannsakendur og 1 móttökuritari.